Siyasî

ENKS daxwaza hevahengiyekê bo azadkirina girtiyên siyasî dike

Encûmena Niştimanî ya Kurd li Sûriyê (ENKS) bangewaznameyek belav kir û tê de daxwaz ji rêxistinên navdewletî û hiqûqî û hêzên Kurdistanî kir ku, bi ENKSê re daxwaza azadkirina girtiyên siyasî yên ji aliyê Asayişa Rojava ve hatine girtin, bikin.

kurdistan ENKS Rojavayê Kurdistanê PYD Asayişa Rojava Girtiyên Siyasî

K24 – Navenda Nûçeyan

Encûmena Niştimanî ya Kurd li Sûriyê (ENKS) bangewaznameyek belav kir û tê de daxwaz ji rêxistinên navdewletî û hiqûqî û hêzên Kurdistanî kir ku, bi ENKSê re daxwaza azadkirina girtiyên siyasî yên ji aliyê Asayişa Rojava ve hatine girtin, bikin.

Di bangewaznameya ENKSê de hat: “Ji ber beşdariya endam û alîgirên ENKSê di merasîma oxirkirina şehîdekî Pêşmerge di şerê DAIŞê de, bi dehan çalakvan, endam û serkirdeyên ENKSê ji aliyê desthilatên ser bi PYDê ve ji 3 mehan ve girtî ne.”

ENKSê di bangewaznameya xwe ragihand ku, ev kiryarên li dijî ENKSê tê meşandin, li dijî mafê mirovan û belge û peymanên navdewletî ne, herwiha li dijî perensîpên mirovahiyê û giyanê Kurdayetî ne.

Herwiha, ENKSê daxwaza hevahengiyekê ji rêxistinên navdewletî û hiqûqî û hêzên Kurdistanî kir ku, bi ENKSê re daxwaza azadkirina girtiyên siyasî bikin û kar bo girtina dosya girtiyên siyasî li Kurdistana Sûriyê bikin.

ENKSê navên çalakvan, endam û serkirdeyên wê yê girtî diyar kir, ku ji merasîma oxirkirina şehîdê Pêşmerge Hebîb Qedrî Mihmed Seîd di roja 15 Tîrmehê de girtî ne, ev in:

  • Mihemend Îsmaîl: Berpirsê Rêvebir ê Pîlotbîroya Partiya Demokrata Kurdistanê – Sûriye (PDK-S).
  • Neşet Zaza: Endamê Pîlotbîroya PDK-Sê.
  • Nafê Ebdulah: Endamê Komîta Navendî ya PDK-Sê.
  • Ebdulkerîm Hacî: Endamê Komîta Navendî ya PDK-Sê.
  • Selah Peyro: Endamê Komîta Şêwirmendiyê ya PDK-Sê.
  • Ebulah Kedo: Endamê Komîta Navendî ya Partiya Yekîtiya Kurd (PYKS).
  • Ebilkerîm Mehmûd: Endamê Komîta Herêmê ya PDK-Sê.
  • Bextiyar Resûl: Endamê Komîta Herêmê ya PDK-Sê.
  • Dijwar Tewfîq: Endamê Sekretariya Yekîtiya Xwendekar û Xortên Kurdistanî.
  • Ebdilmelêk Hito: Endamê Komîta Herêmê ya PDK-Sê.
  • Mehmûd Cindî Lewend: Endamê Komîta Herêmê ya PDK-Sê.
  • Ebdilrehman Ebdî Şeng: Endamê Komîta Herêmê ya PDK-Sê.
  • Fewzî Hesen: Endamê Komîta Herêmê ya PDK-Sê.
  • Casim Mihemed Bilî: Endamê Komîta Herêmê ya PDK-Sê.

Herwiha bi dehan ji çalakvan û alîgirên ENKSê:

  • Cafer Baqî Idrîs.
  • Teysîr Hito.
  • Fêsel Qadirî.
  • Berzan Şêxmûs.
  • Ferhan Hesen Hesen.
  • Ayaz Ferhan Osman.
  • Golan Behrem Ebdî.
  • Omer Salih Cemîl Omer.
  • Cafer Hisên.
  • Remedan Ebas.
  • Mizgîn Remedan Hesen.
  • Mihemed Şêx Mûse.
  • Kawa Kenreş.
  • Fehed Coan:
  • Mihemed Ebdî.
  • Alan Mistefa.
  • Mahir Ehmed Erebo.

 

Kurdistan24 ,