Kî dibe wezîrê derve yê Amerîkayê?

K24-Navenda Nûçeyan

Li gor medyaya Ewrûpî, di navbeyna berbijêrên post a wezareta derve ya Amerikayê de, niha navên du kesan derdikevin pêş. Rudy Giuliani, Şaredarê berê yê New York û John Bolton Balyozê berê yê Amerikayê di Neteweyên Yekbûyî de.

Li gor şirovevanan daxwaza Komarîxwazan, ji bo wergirtina postê wezîrê derve Bolton alternatîfek baştir e. Ji ber ku ew xwedî ezmûnek berfereh di siyaseta derve de ye.

Bolton wekî piştgirek xurt, ji bo serxwebûna Kurdistanê tê nasîn. Berî çendîn rojan di nivîseka xwe di rojnameya New York Post de, dîtina xwe ji bo Kurdistanek serbixwe eşkere dabû diyarkirin.