Li Qamişlo serkirdeyekî PDK-Sê hate binçavkirin

K24 – Navenda Nûçeyan

Asayişa Rojava endamê Komîta Şêwirmendiyê ya PDK-Sê Şemdîn Nebî binçav kir.

Li gor zanyariyên K24ê, îro danê êvarê Asayişa Rojava endamê Komîta Şêwirmendiyê ya PDK-Sê û Berpirsê Nivîsgeha Rojhilatê Qamişlo ya ENKSê Şemdîn Nebî binçav kir.

Hêzên Asayişa Rojava, bi ser Nivîsgeha Rojhilatê Qamişlo ya ENKSê de girtin û Şemdîn Nebî binçav kirin.

Tê zanîn îro jî, grûpekê ku ser rûyên xwe nixumandî bûn êrîşî ser baregeha rojhilatê Qamişlo ya Partiya Demokrata Kurdistanê (PDK-S) kirin û agir berdan wê baregehê û şewitandin.