Li Çêlê 7 leşkerên Tirk birîndar bûn
Li bajarê Colemêrgê di encama pevçûnekê de 7 leşkerên Tirkiyê birîndar bûn û 2 endamên PKKê canê xwe ji dest dan.
K24 – Navenda Nûçeyan
Li bajarê Colemêrgê di encama pevçûnekê de 7 leşkerên Tirkiyê birîndar bûn û 2 endamên PKKê canê xwe ji dest dan.
Derbarê mijarê de Parêzgeriya Colemêrgê daxuyaniyek nivîskî belav kir û da zanîn ku, li navçeya Çêlê hêzên lşekerî yên Tirkiyê li dijî PKKê operasyonek asimanî pêk anîne û 8 bingehên PKKê hatine tunekirin. Herwiha endamên PKKê xwestine êrîşê bingeha leşkerî ya Guvendagiyê bikin.
Parêzgeriya Colemêrgê got jî, piştre di navbera wan û hêzên leşkerî de şer derketiye. Di encamê de 2 endamên PKKê hatine kuştin û 7 leşker jî birîndar bûne.
Hat zanîn rewşa leşkerekî giran e.