Amerîka kar li ser guhertina rola HSDê dike
Nîşanên balkêş hene ku Amerîka dixwaze li rêveberiya navçeya rojhilatê çemê Firatê mikur bê
K24 - Navenda Nûçeyan
Rojnameya El-Şerq El-Ewset ji ser zimanê berpirsekî pile bilind ji welatên rojavayî veguhestiye, ku niha Amerîka pilaneke nû ji 10 xal destnîşan kirine ji bo rewşa rojhilatê çemê Firatê û navçeyên di bin destê HSDê de, di nav wan xalan de hatiye ku Amerîka dixwaze piştî şerê DAIŞê rola Hêzên Sûrya Demokrat biguhere û artêşeke niştimanî ji wê hêzê pêk bîne.
Bi gotina berpirsî ji rojnameya navhatî re, nîşanên balkêş hene ku Amerîka dixwaze li rêveberiya navçeya rojhilatê çemê Firatê mikur bê û ji ber vê yekê jî, rêveberiya xweser qonaxa sêyem ji hilbjartinên federalya xwe lipaş xist.
Ji xalên wê pilanê jî, mana bingehên Amerîkî yên ku li navçeyên HSD ne û Washington wê kar li ser firehkirina bingeha Rimêlan ya li Rojavayê Kurdistanê bike.