Serok Barzanî pêşwazî li Serokwezîrê Vatîkanê dike
Serok Mesûd Barzanî îro pêşwazî li Serokwezîrê Vatîkanê Pietro Parolin û şanda pê re kir.
K24 – Navenda Nûçeyan
Serok Mesûd Barzanî îro pêşwazî li Serokwezîrê Vatîkanê Pietro Parolin û şanda pê re kir.
Peyamnêrê K24ê li Pîrmamê da zanîn, îro Serokwezîrê Vatîkanê Pietro Parolin û şanda pê re serdana Serok Barzanî kir û tê pêşbînîkirin, pêwendiyên dualî mijara sereke ya hevdîtinê be.
Şeva bûrî Serokwezîrê Vatîkanê Pietro Parolin gihîşt Herêma Kurdistanê û ji aliyê Wezîrê Navxwe yê Herêma Kurdistanê, Wezîrê Ewqafê bi wekalet, Parêzgarê Hewlêrê û hejmarek ji oldarên Xiristiyanî û Milsliman ve pêşwazî lê hat kirin.
Biryar e piştî civîna ligel Serok Barzanî, Serokwezîrê Vatîkanê ligel Şêwirmendê Encûmena Asayişa Herêma Kurdistanê Mesrûr Barzanî û Serokwezîrê Herêma Kurdistanê Nêçîrvan Barzanî bicive.
Tê çaverêkirin, Serokwezîrê Vatîkanê sibe serdana Xiristiyaniyên koçber bike.
S. B