Leylan Ebdullah: Federasyona Civata Kurdî pirek di navbeyna Kurdan û Almanya de ye
Endama Desteya Serokatî ya Federasyona Civata Kurdî li Almanya Leylan Mela Ebdullah diyarkir, ku danûstandinên herêma Kurdistanê ligel diaspora Kurd xwedî giringiyek taybet e
K24 – Navenda Nûçeyan
Endama Desteya Serokatî ya Federasyona Civata Kurdî li Almanya Leylan Mela Ebdullah diyarkir, ku danûstandinên herêma Kurdistanê ligel diaspora Kurd xwedî giringiyek taybet e.
Leylan Mela Ebdullah ji K24 re anî ziman, ku Federasyona Civata Kurdî li Almanya, rêxistinek mezin a civata Kurd li Almanyayê ye û pêwendiyên Civata Kurdî yekser bi Parlementoya Almanya, Partiyên Siyasî yên Almanya û Rêxistinên sivîl-demokratîk ên Almanya re hene.
Federasyona Civata Kurdî dinav xwe de Kurdên her çar perçeyên Kurdistanê birêxistin kiriye.
Leylan Mela Ebdullah herweha desnîşankir, ku Federasyona Civata Kurdî, di xebata xwe ya lobiyê de xebatek serkeftî birêve dibe. Medya Almanyayê, Partiyên Almanyayê bi rêya Civata Kurdî dibin xwedî agahdariyên yekrast.
Liser seredana herêma Kurdistanê anî ziman, ku hevdîtin û dîdarên girîng li Kurdistanê lidar xistin e. Bernameya wan a damezrandina grûba hevaltî ya parlementerî ya Kurdistan-Almanya dê hebe û di vê çarçoveyê de hin pêngavên giring avêtin e. Liser vê xebata xwe, Parlementoya Kurdistanê jî, agahdar kirin e.