Karvedanên ragirtina karê Kurdistan 24 li Rojavayê Kurdistanê ji alîyê Rêveberîya Xweser
Daxuyanya Kurdistan 24 ya derbarê rawestandina karê nivîsingehên xwe li rojavayê Kurdistanê gelek karvedan li pey xwe anînin. Biryara kenalê li torên civakî deng veda, çalakvan û kesatiyên sîyasî û rojnemevanan behsa bê alîbûna karê tîma Kurdistan 24 li rojavayê Kurdistanê kirin, bi taybetî di veguhestina nûçeyên şerê Efrînê û Dêrezorê û Reqayê de. Daxwaz ji Rêveberîya Xweser kirin karê rojnemevanan li rojavayê Kurdistanê asteng neke.
K24- Hewlêr
Daxuyanya Kurdistan 24 ya derbarê rawestandina karê nivîsingehên xwe li rojavayê Kurdistanê gelek karvedan li pey xwe anînin. Biryara kenalê li torên civakî deng veda, çalakvan û kesatiyên sîyasî û rojnemevanan behsa bê alîbûna karê tîma Kurdistan 24 li rojavayê Kurdistanê kirin, bi taybetî di veguhestina nûçeyên şerê Efrînê û Dêrezorê û Reqayê de. Daxwaz ji Rêveberîya Xweser kirin karê rojnemevanan li rojavayê Kurdistanê asteng neke.
Rewangeha Sûrî ya Maêfn Mirovî derbarê qedexekirina karê Kurdistan 24 li rojavayê Kurdistanê daxuyanîyek belavkir û biryara ragirtina karê tîma Kurdistan 24 li rojavayê Kurdistanê şemezar kir. Rewangehê gotîye, karê tîma ku K24 li rojavayê Kurdistanê dikir karekî pîşeyî û bê alî bûye. Daxwaz jî kirîye tîma Kurdistan24 vegere ser karê xwe li rojavayê Kurdistanê û bi gotna rawestandna karê wê tîmê binpêkirina azadîya rojnemevanye.
Herweha sendîkaya rojnamevanên Kurdistan -Suriyê qedexekirina karê dezgeha Kurdistan24 li rojavayê Kurdistanê bi tundî şemezar kir û got : Astengkirina rêveberîya xweser ji karê ragehandinê re, berovajî bingehên azadya karê rojnamevanyê û prênsîbên demukrasîyê ye û rêzê li yasayên ragehandinê nagre.
Sendîkaya Rojnamevanên Kurdistanê piştevanîya xwe ya temam ji bo kadir û dezgeha Kurdistan 24 li rojava û başûrê Kurdistanê nîşan da.
ji alyê xwe ve Yekîtya Ragehandna Azad daxwaz kir ku Kurdistan24 di karê xwe yêrojnamevanîyê de, li rojavayê Kurdistanê berdewam bike û bang li Rêveberîya Xweser jî kir ku bilez vê prisgirêkê çareser bike.
Li gor daxuyanya Yekîtya Ragehandina Azad , wan ji destipêka ragirtina karê Kurdistan24 li rojavayê Kurdistanê di gel alîyên berpiris di Rêveberîya Xweser de axvîne û peywendyên wan di vê derbarê de berdewam dikin.
Bi gotna wan ew tekezîyê li ser pêwîstîya berdewamîya karên dezgehên ragehandinê dikin, bê ti fişara alîyekî. Herweha ewê di hewlên xwe de berdewam bin bo vegera karê Kurdistan 24.
Piştî mehekî ji danûstandinan di navbera rêveberîya Kurdistan 24 û Rêveberîya Xuser de rêveberîya Kurdistan 24 biryara girtna nivîsingehên xwe li rojavayê Kurdistanê da û raghand ku danûstandinên wê li gel Rêveberîya Xweser bê encam bûn û bi biryareke sîyasîya Rêveberîya Xweser karê tîma Kurdistan 24 li rojavaya Kurdistanê hat ragirtin.