Li Hesekê di teqînekê 3 welatî bûn qurbanî

K24 – Navenda Nûçeyan

Sê welatiyên sivîl li başûrê Hesekê di encama teqîna bombeyeke vedayî de bûn qurbanî.

Ajansa “SANA” a Sûrî a fermî belav kir, bombeyeke vedayî li devera Mergede li başûrê Hesekê teqiya û di encamê de welatiyekî sivîl canê xwe jidest da û 2 kesên din jî birîndar bûn.

Tevî nemana şerê rasterast li hember çekdarên DAIŞê, lê ji encama teqîna paşmayên şer, carcaran teqîn li bajarên Rojavayê Kurdistanê çê dibin û bi piranî welatiyên sivîl dibin qurbanî.

Li gor amarên medyayî, ji destpêka îsal ve û bi sedema teqînên ji paşmayên şer, li gundewarê Heseke, Dêrazor û Reqayê 242 kesan canê xwe jidest dane, ji nava 68 zarok in.

S. B