Washington û London êrîşa li ser hêzên Tirkiyê şermezar dikin
Wezareta Derve ya Amerîka ragihand, êrîşa artêşa Sûriyê li ser hêzên Tirkiyê li Idlibê şermezar kir û raghand, ji mafê Enqerê ye bersiva her êrîşekê bide.
K24 – Navenda Nûçeyan
Wezareta Derve ya Amerîka ragihand, êrîşa artêşa Sûriyê li ser hêzên Tirkiyê li Idlibê şermezar kir û raghand, ji mafê Enqerê ye bersiva her êrîşekê bide.
Peyvdara Wezareta Derve ya Amerîka Morgan Ortagus di derbarê êrîşên artêşa Sûriyê hêzên Tirkiyê li Idlibê û kuştina 8 leşkerên Tirkiyê de daxuyaniyek da.
Ortagos ragihand, rêjima Suriyê, Rûsya û Îran û Hizbulaha rojane êrişan dibin ser xelkê sivîl yên li Idlibê û ew van êrişan şermezar dikin.
Got jî: Herî dawî jî êrişek li ser serbazên Tirkiyê, hevpeymana ma ya NATOyê hatiye kirin û ji mafê Tirkiyê ye bersiva wê êrîşê bide.
Ji aliyê xwe ve, Wezîrê Dewletê yê Karûbarên Rojhilata Navîn a Brîtanayê Andrew Murrison li twîttera xwe êrîşa artêşa Sûriyê li ser Idlibê şermezar kir û nivîsî: “Êrîşên rêjîma Esed li ser Idlibê, kuştina sivîlan û serbazê Tirkiyê şermezar dikin.”
Wezîrê Brîtanî daxwaz ji Rûsyayê jî kir, divê bi agirbestê pabend be û gavên pêwîst bigire ber, ji bo alozî kêm bibin.
Wezareta Berevaniyê ya Tirkiyê duhî ragihand, artêşa Sûriyê êrîşî ser hêzên wan li Idlibê kiribû û di encamê de 8 serbazê wan hatin kuştin. Herwiha da zanîn jî, wan bersiva êrîşê dane.
S. B