Tirkiyê firokeyeke şer a Sûriyê xiste xwarê
Firokeyeke şer a Tirkiyê firokeyeke şer ya artêşa Sûriyê li Idlibê xiste xwarê.
K24 – Navenda Nûçeyan
Wezareta Berevaniyê ya Tirkiyê ragihand, wan firokeyeke şer ya artêşa Sûriyê li Idlibê xiste xwarê.
Wezareta Berevaniyê ya Tirkiyê ragihand, wan firokeyeke şer ya artêşa Sûriyê ji cura L-39 li esmanê Idlibê xiste xwarê û çarenivîsa tîma wê ne diyar e.
Ji aliyê xwe ve, Rewangeha Sûrî ya Mafên Mirovan belav kir, firokeyeke şer a Tirkiyê ji cura F-16 li esmanê bajarokê Cisir El Şixûr li bakurê rojavayê Sûriyê mûşeke arasteyî firokeyeke şer a Sûriyê kir û xiste xwarê.
Rewangehê ragihand jî, heta niha çarenivîsa tîma wê firokeyê nayê zanîn.
Ji aliyê xwe ve, medyaya Sûriyê nûçeya ketina firokeyê piştrast kir.
Di 1ê vê mehê de jî medyaya Sûrî ya fermî belav kiribû, berevaniya esmanî ya Tirkiyê du firokeyên Sûriyê ji cura SU-24 li esmanê Idlibê xistin xwarê.
Ev yek di demekê de ye, piştî kuştina 34 serbazên Tirkiyê li Idlibê, artêşa Tirkiyê dest bi operasyona “Mertala Buharê” li Idlibê kiriye û Tirkiyê red dike operasyonên xwe rawestîne, heta artêşa Sûriyê venekişe piştî hêlên rêkeftin Sûçî.
S. B