Otomobîleke Rêveberiya Xweser li Qamişlo teqiya

Navenda Nûçeyan (K24) – Di encama teqîna otomobîleke ser bi Rêveberiya Xweser ve li ser riya Qamişlo û Amûdê de, du kes birîndar bûn.

Rewangeha Sûrî ya Mafên Mirovan belav kir, otomobîleke karmendên Rêveberiya Xweser li ser riya Qamişlo û Amûdê  teqiya û di encamê de 2 kes birîndar bûn.

Rewangehê destnîşan kir, heta niha sedema teqîna otomobîlê nayê zanîn.

Ji aliyê xwe ve, medyaya ser bi Rêveberiya Xweser ve belav kir, ew otomobîl rastî êrîşekê hatiye û amaje bi ziyanan nekiriye.