Li Diyarbekirê pêşengeha şêwekarê kurd Ahmet Guneştekîn vebû

Navenda Nûçeyan (K24) – Li Diyarbekirê li Birca Keçê pêşengeha bi navê Jûra Bîrê ya şêwekarê Kurd Ahmet Guneştekîn ê ku di cîhanê de tê naskirin bi pêşkêşiya Pilevnelî Galerî vebû.

Ji welêt û derveyê welêr bi sedan siyasetmedar, nivîskar, rojnameger, lêkolîner, hunermend û rewşenbîr beşdarî rêwresma vekirina pêşengehê bûn. 

Di pêşengehê de, bi sembolên hunerî êş û azarên ku bi serê welatiyên vê erdnîgariyê hatine tên nîşandan.

Di beşeke pêşengehê de binpêkirinên mafên mirovan yên li Zindana Diyarbekirê hatiye nîşandan.

Pêşengeh bi piştgiriya Jûra Pîşesazî û Bazirganî ya Diyarbekir (DTSO) û gelek companiyên taybet hat vekirin. Pêşengeha li Birça Keçê, dê heta 31ê Kanuna 2021an de vekirî be.