Termên sê xortên ku roja Newrozê winda bûbûn hatin dîtin
Sê xortên ku çend roj berê li devera Mawet ya Silêmaniyê winda bûbûn, li nav çem, mirî hatin dîtin.
Hewlêr (K24) - Sê xortên ku çend roj berê li devera Mawet ya Silêmaniyê winda bûbûn, li nav çem, mirî hatin dîtin.
Roja 21 Adara îsal 3 xortên kurd yên xelkê devera Şarbajêr ya Silêmaniyê ketibûn nav çemê Xemeloke yê li nahiya Mawet ya Silêmaniyê û xeniqîbûn. Ji wê demê de tîmên rizgarkirinê li wan digeriyan.
Qaymeqamê Mawet Kameran Hesen ragihand, îro termên wan her sê xortan ji nav çêm hatin derxistin.
Navê wan xortan: Helkewt Nûrî, Derûn Reûf, Kosar Newzad e.