Cîgirê Serokê Parlamentoya Urdinê gihişte Hewlêrê
Biryar e ligel Serok Barzanî, Serokê Herêma Kurdistanê Nêçîrvan Barzanî û Serokwezîr Mesrûr Barzanî bicive.
Hewlêr (K24) – Cîgirê Yekem ê Serokê Parlamentoya Urdinê gihişte Hewlêrê û sibe dê ligel rayedarên payebilind ên Herêma Kurdistanê bicive.
Li gor zanyariyên Peyamnêrê Kurdistan24ê yê li Hewlêrê, Cîgirê Yekem ê Serokê Parlamentoya Urdinê Ehmed Xelayle gihişte Hewlêrê, ku biryar e ligel Serok Barzanî, Serokê Herêma Kurdistanê Nêçîrvan Barzanî û Serokwezîr Mesrûr Barzanî bicive.
Her wiha ragihand ku Cîgirê Yekem ê Serokê Parlamentoya Urdinê dê du roj li Hewlêrê bimîne û ligel Partiya Demokrat a Kurdistanê (PDK) û Yekîtiya Niştimanî ya Kurdistanê (YNK) bicive.