Li gundekî Şirnexê 31 bizin bi birûskê mirin

Navenda Nûçeyan (K24) – Li gundekî Şirnexê birûskê li embareke pez ket, di encama bûyerê de 31 bizin di embarê de bûn mirin û 20 bizin jî birîndar bûn.

Li gundê Guzelova ya navçeya Hezexê ya Şirnexê birûskê li embareke mezra Alataşê ket. Di encama bûyerê de 31 bizin di embarê de bûn mirin û 20 bizin jî birîndar bûn.

Bûyer îro derdora demjimêr 16.00’an de li mezra Alataş a gundê Guzelova rû da.

Tîmên Rêveberiya Çandiniyê ya Navçeya Hezexê çûn mezraya Alataşê û lêkolîn kirin. Hat diyarkirin ku dê sibê jî tîmeke din biçe û tespîta zirarê bike.