4 xwendekarên Efrînê li ser asta Sûriyeyê bûn yekem
Navenda Nûçeyan (K24) – Wezareta Perwerdehiyê ya Sûriyeyê encamên ezmûnên qonaxa 9an eşkere kir. Di nav encaman de, 4 xwendekarên ji herêma Efrînê ya Rojavayê Kurdistanê bi komkirina nimreyên tam an nêzîkî tam, serkeftineke mezin tomar kirin û li ser asta Sûriyeyê di rêzên yekemîn de cih girtin.
Encam duh, roja Înê 8ê Tebaxa 2025an, bi daxuyaniyeke fermî hatin ragihandin. Ev serkeftina xwendekarên Efrînî di nav şert û mercên dijwar de wek çavkaniyeke serbilindî û hêviyê hat pêşwazîkirin.
Xwendekarên Yekemîn ên ji Efrînê:
Nav û nimreyên xwendekarên ku pileya herî bilind bidest xistine wiha ne:
- Şîrav Tobal: 310 ji koma 310 puanan
- Perwîn Hiso: 310
- Ronî Ebdulmecîd: 309,5
- Şêrko Hido: 309,5
Daneyên Fermî yên Wezaretê
Li gorî daxuyaniya Wezîrê Perwerdehiyê yê Sûriyeyê Dr. Mihemed Terko, îsal bi giştî 356 hezar û 193 xwendekar beşdarî ezmûnan bûne.
Di daxuyaniyê de hat diyarkirin, rêjeya serkeftinê ya giştî li seranserî Sûriyeyê %49 e. Her wiha hat ragihandin ku hejmara giştî ya xwendekarên ku li ser asta welêt pileya yekemîn bi dest xistine 121 xwendekar in.