كۆرۆنا له عێراق.. ژمارهی مردن به پهتاكه گهیشته 19 ههزار كهس
ژمارهی ئهو كهسانهی تا ئێستا ڤاكسینیان وهرگرتووه سنووری 2 ملیۆن كهسی تێپهڕاند
K24- ههولێر:
وهزارهتی تهندروستیی عێراق ئاماری 24 كاتژمێری رابردووی تووشبوون، مردن و چاكبوونهوهی كۆرۆنای لهسهرانسهری وڵات بهپارێزگاكانی ههرێمی كوردستانیشهوه راگهیاند و بهگوێرهی ئامارهكه، لهماوهی 24 كاتژمێری رابردوودا پشكنینی پزیشكی بۆ 50 ههزار و 706 كهس ئهنجامدراوه و تووشبوونی 11 ههزار و 871 كهسی دیكه به پهتاكه پشتڕاست كرایهوه. زۆرترین ژمارهی تووشبوونی ئهمڕۆش له ناوچهی كهرخی شاری بهغدا تۆماركرا، كه بریتییه له ههزار و 556 حاڵهت.
وهك له راگهیهندراوهكهدا هاتووه، لهماوهی شهو و رۆژێكدا 62 كهس بههۆی پهتاكه گیانیان لهدهستداوه، 7 ههزار و 461 حاڵهتی چاكبوونهوهش لهپهتاكه راگهیهندراوه.
تا ئێستا كۆی ئهوانهی لهسهرانسهری عێراق تووشی پهتاكه بوونه، ژمارهیان گهیشته ملیۆنێك و 684 ههزار و 995 حاڵهت، لهو ژمارهیهش 19 ههزار كهس بههۆی ڤایرۆسهكهوه گیانیان لهدهستداوه، ملیۆنێك و 502 ههزار و 221 كهسیش به رێژهی 89.2% بهتهواوی چاك بوونهتهوه و 163 ههزار و 734 كهسیش له نهخۆشخانهكان لهژێر چاودێری پزیشكیدان، لهو ژمارهیهش ههزار و 933 كهس بههۆی ناجێگیری دۆخی تهندروستییان لهژێر چاودێری چڕی پزیشكیدان.
ئاماژه بهوهش دراوه، تا ئێستا 2 ملیۆن و 30 ههزار و 548 كهس له سهرانسهری عێراق ڤاكسینی كۆرۆنایان وهرگرتووه.