كۆسرەت رەسوڵ دەگەڕێتەوە كوردستان
"باری تەندروستی باشە"
K24 - ھەولێر
بڕیارە ئەمڕۆ كۆسرهت رهسوڵ عهلی، جێگری سكرتێری گشتی یهكێتی نیشتمانی كوردستان، دوای چەندین نەشتەرگەری و پشكنین لە دەرەوەی وڵات بگەڕێتەوە كوردستان.
مهسعود مهلا ههمزه، سكرتێری رۆژنامهوانی كۆسرهت رهسوڵ بە كوردستان24 راگەیاند: "دوای ئەوەی لە دەرەوەی وڵات نەشتەرگەری و پشكنینی تەواوی بۆكرا، ئەمڕۆ كۆسرهت رهسوڵ له لهندهنهوه دەگەڕێتەوە ھەرێمی كوردستان".
گوتیشی: "ئێستا باری تەندروستی كۆسرەت رەسوڵ، زۆرباشە بۆیە پزیشكەكان رێگەیان پێداوە بگەڕێتەوە".
راشیگەیاند: "كۆسرەت رەسوڵ، لە رێگەی فڕۆكەخانەی سلێمانی دەگاتەوە ھەرێمی كوردستان و لەلایەن ئەندامانی مەكتەبی سیاسی و سەركردایەتی و كادیر و دۆست و لایەنگرانی یەكێتی پێشوازی لێدەكرێت، دوای گەیشتنەوەی بۆ سلێمانی سەردانی مەكتەبی سیاسی یەكێتی دەكات".
لەبارەی كاتی گەیشتنەوەی كۆسرەت رەسوڵ ئاشكرای كرد: "رەنگە كاتژمێر چواری ئێوارە بگاتەوە فڕۆكەخانەی سلێمانی".
رۆژی 11/11/2017، كۆسرەت رەسوڵ، لە سلێمانی باری تەندروستی تێكچوو، دوای ئەوەی گەیەندرایە نەخۆشخانە نەشتەرگەریەكی بۆ كرا، دواتر بەرەو دەرەوەی وڵات بەڕێكرا و لە یەكێك لە نەخۆشخانەكانی بەرلین نەشتەرگەری و چەندین پشكنینی دیكەی بۆ كراوە.