وەزارەتی دارایی: ئەم هەفتەیە نیوەی مووچەی مامۆستایان دابەش دەکرێ
هەوڵدەدەین لە ماوەیەکی نزیکدا نیوەکەی دیکەی مووچەی مامۆستایان دابەش بکەین
K24- هەولێر:
وەزارەتی دارایی و ئابووریی حكوومەتی هەرێمی كوردستان رایگەیاند، ھەفتەی داھاتوو نیوەی مووچەی وەزارەتی پەروەردە دابەش دەكرێ.
لە راگەیاندراوێكدا وەزارەتی دارایی و ئابووریى حكوومەتی هەرێمی كوردستان راشیگەیاند: "ئەم هەفتەیە نیوەی مووچەی مانگی ئەیلوولی ساڵی 2015ی وەزارەتی پەروەردە دابەش دەكرێت".
لە راگەیاندراوەكەی وەزارەتی دارایی دا ھاتووە: "وەزارەتی دارایی و ئابووریی حكومەتی ھەرێمی كوردستان پابەند دەبێت بە دابەشكردنی مووچە مانگی ئەیلوولی ساڵی 2015ی دامودەزگاكانی حكوومەتی هەرێمی كوردستان.
وەزارەتی دارایی هەرێمی کوردستان دەشڵێ: "لە ماوەیەكی نزیكدا نیوەكەی دیكەی مووچەی وەزارەتی پەروەردە دابەش دەکەین".