كچه سویدییه ئازادكراوهكهی دهستی داعش گهڕایهوه وڵاتهكهی
دوێنێ ئێواره لهگهڵ دایك وباوكی گهڕاوهتهوه
K24 – ههولێر:
ئهو كچه سویدییهی له نزیك مووسڵ له دهستی داعش ئازادكرا، ئێوارهی دوێنێ لهگهڵ دایك و باوكی گهڕایهوه وڵاتهكهی.
پێشتر ئهنجوومهنی ئاسایشی ههرێمی كوردستان رایگهیاند: "له 17 ئهم مانگه له پڕۆسهیهكی تایبهتدا، هێزهكانى دذى تيرؤر كچێكی سویدییان له گوندێكی نزیك له مووسڵ له دهستی داعش ئازادكرد".
دهقی راگهیاندراوهكهی ئهنجوومهنی ئاسایشی ههرێم:
راگەیەندراوێك لە ئەنجوومەنی ئاسایشی هەرێمی كوردستانەوە
لە رێككەوتی 17/2/2016 لە ئۆپەراسیۆنێكی تایبەتدا، كە لە قوڵایی سنووری ژێر دەسەڵاتی داعش لە ناوچەیەكی نزیك موسڵ ئەنجام درا، هێزێكی تایبەتی دژە تیرۆری كوردستان توانیان ئافرەتێكی سوێدی رزگار بكەن.
هاوڵاتیی سوێدی (مارلین ستیڤانی نیڤەرلاین) تەمەن ١٦ ساڵ، خەڵكی ناوچەی بۆرۆس لە سوێد، ناوەڕاستی ساڵی رابردوو لە لایەن ئەندامێكی داعش لە سوێد هەڵدەخەڵەتێندرێت و دەگەیەنرێتە سوریا و دواتر دێتە موسڵ. پاش ئەوەی لە لایەن خانەوادە و لایەنە فەرمەییەكانی سوێد بە مەبەستی رزگاركردنی، داوای هاوكاری لە ئەنجوومەنی ئاسایشی هەرێمی كوردستان كرا، توانرا لە پرۆسەیەكی تایبەتدا شوێنی ئافرەتەكە دیار بكرێت و لە كرەدەوەیەكی تایبەتدا توانرا ئەم ئافرەتە رزگار بكرێت و ئێستا لە هەرێمی كوردستانە و لەگەڵ لایەنە پەیوەندیدارەكانی سوێدی رێككاری پێویست بۆگەڕاندنەوەی ناوبراو بۆ وڵاتەكەی گیراوەتە بەر.
ئەنجوومەنی ئاسایشی هەرێمی كوردستان