رۆژئاوای كوردستان.. دوو ئەندامی دیكەی پارتێكی كوردی دەستگیركران

K24 - ھەولێر:

پارتی دیموكراتی كوردستان لە سووریا رایگەیاند، ئاسایشی شاری عەفرین لە گوندی سنارە لە گوندی سنارە دوو ئەندامی دیكەی ئەو حزبەیان دەستگیركردووە.

لە بەیاننامەیەكدا پارتی دیموكراتی كوردستان لە سووریا (پەدەكەسە) رایگەیاند: "دوێنێ لە گوندی سنارە، دوو ئەندامی پارتەكەمان بە ناوەكانی عەلی بەكر و عارف حوسێن، لە لایەن ئاسایشی عەفرین دەستگیركراون".

بە گوێرەی بەیاننامەكەی پەدەكەسە، ئاسایشی رۆژئاوای كوردستان لە عەفرین ھۆكاری دەستگیركردنی دوو ئەندامەكەی ئەو پارتەیان رانەگەیاندووە و تا ئێستا چارەنووسی ئەوان دیار نییە.

ئەوە لە كاتێكدا لە چەند رۆژی رابردوودا پارتی دیموكراتی كوردستان لە سووریا رایگەیاند، سەركردەیەكی پارتەكەیان لە لایەن ئاسایشی عەفرین دەستگیركراوە، پێشتریش حەوت كادیر و ئەندامی دیكەیان لە لایەن ئاسایش دەستگیراكراون.

لە ماوەی رابردوودا پەدەكەسە، چەندین جار بە بەیاننامەی فەرمی دەستگیركردنی كادیر و ئەبدامانی لە لایەن ئاسایشی رۆژئاوای كوردستان راگەیاندووە.

داڕشتنەوە: ھ . م