وەزارەتی دارایی مووچەی ئەم چینە دابەش دەکات

K24-هەولێر

وەزارەتی دارایی و ئابووریی هەرێمی کوردستان رایگەیاند کە دەست بە دابەشکردنی مووچەی خانەنشینان دەکات.

وەزارەتی دارایی و ئابووریی لە راگەیەندراوێکدا ئەمڕۆ یەکشەممە گوتی: "رۆژی دووشەممە رێکەوتی 2/5/2016 و سێشەممە رێکەوتی 3/5/2016 مووچەی خانەنشينانى پێشمەرگە دابەشدەکات".

وەزارەتی دارایی گوتیشی: "رۆژی چوارشەممە رێکەوتی 4/5/2016 و رۆژی پێنجشەممە رێکەوتی5/5/2016 مووچەی خانەنشينانى شارستانیی دابەشدەکات".

ئەمە لە کاتێکدایە حکوومەتی هەرێمی کوردستان دەڵێ بەهۆی دابەزینی نرخی نەوتی خاو لە بازاڕەکانی جیهان و شەڕی داعشەوە رووبەڕووی قەیرانی دارایی بووەتەوە، بۆیە مووچەی چەند مانگێکی فەرمانبەرانی نەداوە.

ئا: ئا ، ف