بەوێنە و ڤیدیۆ.. کەسێکی ئێرانی ویستوویەتی بەمشێوەیە حەبی هۆشبەر بهێنێتە کوردستان
بەڕێوەبەرایەتیی نەهێشتنی ماددە هۆشبەرەکان وردەکاریی دوو کەیس بڵاودەکاتەوە
K24 - هەولێر
بەڕێوەبەرایەتیی نەهێشتنی ماددە هۆشبەرەکان ئەمڕۆ راگەیەندراوێکی سەبارەت بە دەستگیرکردنی چەند کەسێک و دەستبەسەرداگرتنی بڕێک ماددەی هۆشبەر بڵاوکردەوە.
لە راگەیەندراوەکەی بەڕێوەبەرایەتییەکە وردەکاریی دوو کەیسی تایبەت بە ماددە هۆشبەرەکان ئاشکرا کراوە، کە یەکێکیان لە 12ـی ئەم مانگە لە بازگەی جوندیان بووە و دەستگیراوە بەسەر یەک کیلۆ و 20 گرام ماددەی هۆشبەری شیشە، سێ تۆمەتبار بەهۆیەوە دەستگیرکراون. لە راگەیەندراوەکەدا هاتووە: شیشەکە بەشێوەیەکی تۆکمە لەنێو پارچەیەک ئیزۆگام هەڵگیراوە.
کەیسەکەی دووەم سەیرترە و بەپێی راگەیەندراوەکە و ئەو ڤیدیۆیەی بەڕێوەبەرایەتیی نەهێشتنی ماددە هۆشبەرەکان بڵاوی کردووەتەوە "کەسێکی ئێرانی لە 20-1-2021 دەستگیرکراوە، کە بڕی 110 دانە حەبی هۆشبەری لە جۆری ترامادۆل لەنێو پێڵاوەکانی حەشارداوە، ئەو کەسە لەکاتی هاتنەناوەوەی هەرێمی کوردستان، لە سنووری حاجی ئۆمەران دەستگیرکراوە".
