شەقامێكی سلێمانی رووناك دەكرێتەوە
"پڕۆژەكە لە ماوەی 120 رۆژدا تەواو دەكرێت"
K24 – سلێمانی
حكومەتی ھەرێمی كوردستان پڕۆژەیەكی بۆ رووناك كردنەوەی شەقامی تووی مەلیك لە سلێمانی راگەیاند و لە ماوەی 120 رۆژدا پڕۆژەكە تەواو دەكرێت.
بەڕێوەبەرایەتی گشتی كارەبای سلێمانی ئاشكرای كرد: "به مهبهستی رووناک کردنەوەی شەقامی تووی مەلیک لە شاری سلێمانی بهسهرپهرشتی بهڕێوهبهرایهتی گشتی كارهبای سلێمانی، بەبڕی (180.958.900) سەد و هەشتا ملیۆن و نۆسەد و پەنجا و هەشت هەزار و نۆسەد و دینار پڕۆژەیەکی كارەبا جێبەجێدەكرێت".
لە راگەیەندراوی بەڕێوەبەرایەتی كارەبای سلێمانی ئاماژە بەوەكراوە: "لەسەر بودجەی داهاتی كارەبای بەڕێوەبەرایەتی گشتی كارەبای سلێمانی و بەپێی گرێبەستێك كە لەگەڵ كۆمپانیایەک واژۆ کراوە، له ناوشاری سلێمانی پڕۆژەیەکی كارهبا جێبەجێدەكرێت كه بریتیه لەرووناک کردنەوەی شەقامی بەشی سەرەوەی تووی مەلیک لە شاری سلێمانی و پڕۆژەكە لە 120 رۆژدا تەواو دەكرێت".