نرخی نەوت بەرزبووەوە
نرخی نەوتی برێنت بۆ 56.32 دۆلار بەرزبووەوە
K24 - ھەولێر
دوای کەمبوونەوەی نەوتی عەمبارکراوی ئەمەریکا و کەمبوونەوەی ژمارەی تووشبوون بە کۆرۆنا لە چین، نرخی نەوت لە مامەڵەکانیدا ئاراستەی بەرزبوونەوەی وەرگرت.
نرخی بەرمیلێک نەوتی خاوی برێنت لە مامەڵەکانی ئەمڕۆدا بە رێژەی 0.73% بۆ 56.32 دۆلار بەرزبووەوە، نرخی بەرمیلێک نەوتی سووکی تێکاسیش بە رێژەی 0.74% بۆ 53 دۆلار بەرزبووەوە.
بە گوێرەی راپۆرتی پەیمانگەی پێترۆلی ئەمەریکا، نەوتی عەمبارکراوی ئەمەریکا لە کۆتایی هەفتەی رابردوو بە بڕی 5.3 ملیۆن بەرمیل نەوت دابەزیوە.
سەرەڕای ئەوەش کەمبوونەوەی ژمارەی تووشبوون بە ڤایرۆسی کۆرۆنا لە چین پاڵپشتی لە بەرزبوونەوەی نرخی نەوتی کرد، چونکە وڵاتەکە یەکەم بەکارهێنی نەوتە لە جیهان.