نرخی نەوت بەرزترین ئاستی لە ماوەی 13 مانگی رابردوو تۆمار کرد
K24- هەولێر:
بەهۆی کەمکردنەوەی بەرهەم و زیادبوونی خواست و جووڵەی بازاڕی وزە، نرخی نەوت بەرزبووەوە.
ئاژانسی هەواڵی رۆیتەرز بڵاویکردەوە، نرخی نەوت بەرزترین ئاستی تۆمارکردووە و لە ماوەی 13 مانگی رابردوو هاوشێوەی نەبووە.
نرخی یەک بەرمیل نەوتی برێنت، بۆ 61 دۆلار و چوار سەنت بەرزبووەوە، بە بەروارد بە دوێنێ دووشەممە، بەرزبوونەوەکە بە رێژەی 0.8%ـە.
هەروەها نرخی یەک بەرمیل نەوتی تێکساس، بۆ 58 دۆلار و و 42 سەنت بەرزبووەتەوە.
سعوودییە بڕیاریداوە بەرهەمی نەوت کەمبکاتەوە ئەمەش کاریگەری لەسەر نرخی نەوت دروستکردووە، هەروەها بەهۆی زیاتر دابەشکردنی ڤاکسینی کۆرۆنا و کەمبوونەوەی مەترسییەکان، نرخی نەوت بەرزبوونەوەی تۆمارکردووە.