سیروان بارزانی: له دوێنێ تا ئه‌مڕۆ 28 جار مۆڵگه‌كانی داعش له چیای قه‌ره‌چوغ بۆردومانكراون
"ئەو ئۆپەراسیۆنانه بەردەوام دەبن بۆ ئەوەی تێرۆریستان لە ھیچ شوێنێك نەتوانن ئۆقرە بگرن"
.jpg)
K24- هه‌ولێر:
فه‌رمانده‌ی میحوه‌ری گوێڕ - مه‌خمووری هێزه‌كانی پێشمه‌رگه‌ی كوردستان رایگه‌یاند، له شه‌وی رابردووه‌وه تا ئه‌مڕۆ 28 جار مۆڵگه‌كانی داعش له چیای قه‌ره‌چوغ بۆردومانكراون.
سیروان بارزانی، فەرماندەی میحوەری 6 (گوێڕ - مەخموور)ی هێزی پێشمەرگەی کوردستان بە کوردستان24ی راگەیاند، "لە ئۆپەراسیۆنێکی ئاسمانی ھێزی ھاوپەیماناندا بە ھەماھەنگی لەگەڵ ژووری ئۆپەراسیۆنەکان لە ھەولێر و پێشمەرگە و سوپای عێراق، لە دوێنێ شەو تا ئەمڕۆ 28 جار مۆڵگە، ئەشکەوت و حەشارگەکانی تێرۆریستانی داعش لە چیای قەرەچوغ بۆردومان کراون.
هه‌روه‌ها گوتی: "ئەو ئۆپەراسیۆنانه بەردەوام دەبن، بۆ ئەوەی تێرۆریستان لە ھیچ شوێنێك نەتوانن ئۆقرە بگرن و ببنە جێگەی مەترسی".
H.B
