وهزارهتی تهندروستی عێراق ئاماری 24 كاتژمێری رابردووی كۆرۆنای راگهیاند
زیاتر له 5 ههزار كهسی دیكه تووشی پهتاكه بوون
K24- ههولێر:
وهزارهتی تهندروستیی عێراق ئاماری 24 كاتژمێری رابردووی تووشبوون، مردن و چاكبوونهوهی كۆرۆنای لهسهرانسهری وڵات بهپارێزگاكانی ههرێمی كوردستانیشهوه راگهیاند و بهگوێرهی ئامارهكه، لهماوهی 24 كاتژمێری رابردوودا پشكنینی پزیشكی بۆ 35 ههزار661 كهس ئهنجامدراوه و تووشبوونی 5 ههزار و 62 كهسی دیكه به پهتاكه پشتڕاست كرایهوه. زۆرترین ژمارهی ئهمڕۆش له ناوچهی روسافهی شاری بهغدا تۆماركرا، كه بریتییه له ههزار و 71 حاڵهت.
وهك لهراگهیهندراوهكهدا هاتووه، لهماوهی شهو و رۆژێكدا 20 كهس بههۆی پهتاكه گیانیان لهدهستداوه.
هاوكات 4 ههزار و 368 حاڵهتی چاكبوونهوهش لهپهتاكه راگهیهندراوه.
تا ئێستا كۆی ئهوانهی لهسهرانسهری عێراق تووشی پهتاكه بوونه، ژمارهیان گهیشته 827 ههزار و 157 حاڵهت، لهو ژمارهیهش 14 ههزار و 177 كهس بههۆی ڤایرۆسهكهوه گیانیان لهدهستداوه، 741 ههزار و 115 كهسیش به رێژهی 89.6% بهتهواوی چاك بوونهتهوه و 71 ههزار و 865 كهسیش له نهخۆشخانهكان لهژێر چاودێری پزیشكیدان، لهو ژمارهیهش 493 كهس بههۆی ناجێگیری دۆخی تهندروستییان لهژێر چاودێری چڕی پزیشكیدان.
H.B