دوای دانوستانی ستراتیجی عێراق و ئەمەریكا بلینكن گەشبینی خۆی راگەیاند

K24 – ھەولێر:

وەزیری دەرەوەی ئەمەریكا، ئەنتۆنی بلینكن گەشبینی خۆی راگەیاند لە بارەی دانوستانی ستراتیجی لە نێوان ویلایەتە یەكگرتووەكان و عێراقدا، كە ئەمڕۆ سێیەم گەڕی بەڕێوەچوو.

بلینكن لە تویتێكدا لە پێگەی تویتەر گوتی: "شەرەفمەندبووم بە قسەكردن لەگەڵ وەزیری دەرەوەی عێراق، فوئاد حوسێن لە یەكەم دانوستانی ستراتیجی لە نێوان ویلایەتە یەكگرتووەكان و عێراقدا لە سەردەمی وەزیرایەتی مندا".

بلینكن گوتیشی: "دوای پێداچوونەوە بەو پێشكەوتنانەی ئەنجاممانداوە لە هه‌موو بوارە ھاوبەشە بەرفراوان و ستراتیجییەكانمان، من گەشبینم لە بارەی ئایندەوە".

ئەمە یەكەم گەڕی دانوستانی عێراقییەكانە لەگەڵ بەرپرسانی ئیدارەی نوێی ئەمەریكا، دوای ئەوەی دوو گەڕی دیكەی دانوستانەكەیان لەگەڵ ئیدارەی سەرۆكی پێشوو دۆناڵد ترەمپ ئەنجامدا.

وەزیری دەرەوەی عێراق و ویلایەتە یەكگرتووەكان، چوارشەممە دانیشتنی "دانوستانی ستراتیجی عێراقی- ئەمەریكا"یان كردەوە لەسێیەم گەڕدا بەڕێگای ڤیدیۆ كۆنفرانسەوە.

It was a privilege to speak with Iraqi Foreign Minister Dr. Fuad Hussein at my first U.S.-Iraq Strategic Dialogue as Secretary of State. I'm optimistic about the road ahead after the review of the progress we've made in each area of our broad and strategic partnership. pic.twitter.com/Z6HozvRZRk

— Secretary Antony Blinken (@SecBlinken) April 7, 2021