بارزانى و فهرماندهى هێزهكانى هاوپهيمانێتى دژى داعش پرسى رزگاركردنى مووسڵ تاوتوێدهكهن
پوختهیهكیان لهبارهی دواین گۆڕانكارییە مەیدانییەكانی شهڕی رووبهڕبوونهوهی تیرۆریستانی داعش و پرۆسهی ئازادكردنهوهی فهلوجه و ئامادهكارییهكان بۆ ئازادكردنی شاری مووسڵیان بۆ سهرۆك بارزانی خستەڕوو.
.jpg)
K24 – ههولێر:
مهسعوود بارزانى سهرۆكی ههرێمی كوردستان ئهمڕۆ سێشهممه 24ى ئايار/ مايۆى 2016، پێشوازی له جهنهراڵ ماكفالاند فەرماندەی هێزی هاوپهیمانێتی نێودهوڵهتی بۆ شهڕی داعش له عێراق و سوریا و شاندی یاورهی پێكهاتبوو له جۆسن كوهین جێگری باڵیۆزی ئهمهریكا له عێراق و ماتیاس میتمان كونسوڵی ئهمهریكا له ههولێر و چهند راوێژكارێكی سهربازی كرد.
لهسهرهتای دیدارهكهدا، شاندی میوان پوختهیهكیان لهبارهی دواین گۆڕانكارییە مەیدانییەكانی شهڕی رووبهڕبوونهوهی تیرۆریستانی داعش و پرۆسهی ئازادكردنهوهی فهلوجه و ئامادهكارییهكان بۆ ئازادكردنی شاری مووسڵیان بۆ سهرۆك بارزانی خستەڕوو.
فەرماندەی هێزی هاوپهیمانێتی نێودهوڵهتی بۆ شهڕی داعش له عێراق و سوریا و شاندی یاوهری بهگرنگیهوه باسیان له بهردهوامی ههماههنگی هێزی پێشمهرگه و هاوپەیمانان كردهوه بۆ بنبڕكردنی تیرۆر له ناوچهكهدا.
له بهرامبهردا، سهرۆكى ههرێمى كوردستان وێڕای بهخێرهێنانی شاندی میوان بهبایهخهوه باسی له ههماههنگی هێزهكانی پێشمهرگه و هێزهكانی هاوپهیمانێتی كرد له پێناو بنبڕكردنی تیرۆریستانی داعش.
له بەشێكی دیكەی دیدارهكهدا باس له ئامادهكارییهكانی پرۆسهی ئازادكردنی شاری مووسڵ كرا و ههردوولا هاوڕابوون لهسهر پتهوكردنی ههماههنگی و یارمهتیدان لهپێناو لەناوبردنی تێرۆر.