سەرۆک بارزانی سەرەخۆشی لە خانەوادە و كەسوكاری دكتۆر كازم حەبیب دەکات

K24 – هەولێر

سەرۆک مەسعود بارزانی، لە پەیامێکدا بۆ کۆچی دوایی نووسەر و ئەدیب و تێكۆشەری دێرینی عێراقی دكتۆر كازم حەبیب، سەرخۆشی لە خانەوادە و کەسوکاری دەکات.

لە پەیامەکەی سەرۆک بارزانی هاتوو: "دكتۆر كازم حەبیب كەسایەتی شۆڕشگێڕ و دیموكراتخواز و دۆست و هاوسۆزی شۆڕشی كورد و پاڵپشتی مافە رەواكانی گەلی كوردستان و، دژی شۆڤیینیەت و دیكتاتۆری بوو".

دەقی پەیامی سەرۆك بارزانی بۆ كۆچی دوایی دكتۆر كازم حەبیب:.

بەناوی خودای بەخشندە و میهرەبان

بە داخێكی زۆرەوە هەواڵی كۆچی دوایی نووسەر و ئەدیب و تێكۆشەری دێرینی عێراقی دكتۆر (كازم حەبیب)ـم بیست. دكتۆر كازم حەبیب كەسایەتی شۆڕشگێڕ و دیموكراتخواز و دۆست و هاوسۆزی شۆڕشی كورد و پاڵپشتی مافە ڕەواكانی گەلی كوردستان و، دژی شۆڤیینیەت و دیكتاتۆری بوو.

سەرەخۆشی لە خانەوادە و كەسوكاری خوالێخۆشبوو دكتۆر كازم حەبیب و تەواوی هەڤاڵ و دۆست و ئاشنایانی و ناوەندە كولتووری و ئەدەبییەكانی عێراق دەكەم و خۆم بە هاوبەشی خەمیان دەزانم.

لە خودای گەورە داواكارم ڕۆحی خوالێخۆشبوو دكتۆر كازم حەبیب بە بەهەشتی بەرین شاد بكات و سەبر و ئارامی بە هەموو لایەك ببەخشێت.

انا للە و انا الیە راجعون

مسعود بارزانی

۳۱ی ئابی ۲٠۲۱