کەشناسی: پلەی گەرما بۆ ژێر 40 پلەی سیلیزی دادەبەزێت
دابەزینی پلەی گەرما بەراورد بە رۆژانی رابردوو 8 پلە دەبێت
K24 – هەولێر
بەگوێرەی پێشبینییەکانی کەشناسی لە دوو رۆژی داهاتوودا پلەی گەرما لە زۆربەی شار و شارۆچکەکانی هەرێمی کوردستان بۆ ژێر 40 پلەی سیلیزی دادەبەزێت.
بەڕێوەبەرایەتی کەشناسی و بومەلەرزەزانی هەرێمی کوردستان رایگەیاند، لە رۆژى هەینى پلەکانى گەرما نزم بوونەوەیەکى بەرچاو بەخۆى دەبینێت، جیا وازی دابەزین لە پلەکانى گەرما لەنێوان (6-8) پلەى سیلیزى دەبێت، بە بەروارد لەگەڵ ئەو چەند رۆژەى پێشووتر.
کەشناسی دیاریکردووە، پلەی گەرما لە شارەکانی هەرێمی کوردستان لە رۆژانی داهاتوو بەمشێوەیە دەبێت:..
هەولێر لەنێوان (36-39) پلەى سیلیزى
سلێمانى لەنێوان (36-37) پلەى سیلیزى
دهۆک لەنێوان (36-37) پلەى سیلیزى
کرکووک لەنێوان (40-42) پلەى سیلیزى
هەڵەبجە لەنێوان (37-39) پلەى سیلیزى
بەشی پێشبینیەکان لە بەڕیوەبەرایەتی کەشناسی ئاماژەی بەوەشکردووە، ئەم نزمبوونەوەیە لە پلەکانى گەرما تاکو رێکەوتى 7/9/2021 رۆژى سێشەممه بەردەوامى دەبێت، پاشان چەند پلەیەکى کەم روو لە بەرزبوونەوە دەکات.