پێشمەرگە لە پێنج قۆڵەوە ئۆپەراسیۆنی دەستپێکرد
ناوچەکە لە چەکدارانی داعش پاکدەکەنەوە
K24 – گەرمیان
بۆ راوەدونانی چەکدارانی داعش، لە زنجیرە چیاکانی کفری و خورماتوو، هێزی پێشمەرگە لە پێنج قۆڵەوە ئۆپەراسیۆنی دەستپێکرد.
هەرێم جاف، پەیامنێری کوردستان24 لە گەرمیان رایگەیاند "بەرەبەیانی ئەمڕۆ چوارشەممە 8/12/2021، هێزەکانی پێشمەرگە لە چەندین ئاراستەوە ئۆپەراسیۆنێکی فراوانیان دژی چەکدارانی داعش لە ناوچەکانی نێوان زنجیرە چیاکانی کفری و خورماتوودەستپێکرد".
گوتیشی "ژمارەیەکی زۆر مۆڵگەی داعش، لەو ناوچانە هەن، ئامانج لەو ئۆپراسیۆنەی هێزی پێشمەرگە کێوماڵکردنی چەکدارانی داعشە لەو ناوچانە".
