سهرۆك وهزیرانی قهتهر نیوهڕۆخوانێك بۆ سەرۆکی حکومەت رێکدەخات
مهسرور بارزانی: سوپاسی ئهو پێشوازییه گهرمهی خهڵكی قهتهر دهكهم
K24 - ههولێر:
شێخ خالید بن خەلیفە ئال سانی، سەرۆک وەزیرانی قەتەر، وێڕای پێشوازییه گهرمهكهی، نیوهڕۆخوانێكی تایبهت بۆ مهسرور بارزانی، سهرۆكی حكومهتی ههرێمی كوردستان رێكدهخات.
له دووهم رۆژی سهردانهكهیدا، كه لهسهر بانگهێشتی فهرمی میری قهتهر بوو، مهسرور بارزانی، بهجیا لهگهڵ شێخ تهمیم بن حهمهد ئال سانی، میری قهتهر و سهرۆك وهزیرانی قهتهڕ و وهزیرانی بازرگانی و وزه كۆبووهوه.
له كۆبوونهوهكاندا، جهخت له پتهوكردنی پهیوهندییه بازرگانی و ئابوورییهكان كراوه و لهگهڵ دهوحه رێككهوتوون تیمێكی تهكنیكی پێكبهێنن، بۆ ئهوهی لهسهر بواره جیاوازهكانی ئابووری، بازرگانی، پیشهسازی و كشتوكاڵ رێكبكهون.
دوای كۆبوونهوهكانیش، نیوهڕۆخوانێكی تایبهت لهلایهن شێخ خالید بن خەلیفە ئال سانی، سەرۆک وەزیرانی قەتەر، بۆ مهسرور بارزانی، سهرۆكی حكومهتی ههرێمی كوردستان رێكخرا.