بەهۆی تۆپبارانی تورکیا لە سنووری زاخۆ زیاتر لە 20 گەشتیار بوونە قوربانی

K24- زاخۆ

ئیسلام یوسف، پەیامنێری کوردستان24 لە زاخۆ رایگەیاند: "تۆپخانەکانی تورکیا سنووری زاخۆ تۆپباران دەکەن و بەگوێرەی زانیارییە سەرەتاییەکان زیاتر لە 20 کوژراو و بریندار هەن".

گوتیشی: "تۆپخانەکانی تورکیا هاوینەهەواری گوندی پەرەخ لە سنووری ناحیەی دەرکاری سەر بە قەزای زاخۆ تۆپباران دەکەن، کە ژمارەیەک گەشتیار سەردانی ئەو شوێنەیان کردووە".

پەیامنێرمان، راشیگەیاند: "ژمارەیەک لە بریندارەکان گەیەندرانە نەخۆشخانەی زاخۆ و لەنێو بریندارەکان منداڵ هەن".

سەرچاوەیەک لە گوندەکە بە کوردستان24ی گوت: "رەنگە ژمارەی برینداران زیاتر بێت، بەڵام بەهۆی بەردەوامی تۆپبارانەکە نەتوانراوە هەموو شوێنەکە بگەڕێین".