مستهفا كازمی داوای یارمهتی له موقتهدا سهدر دهكات
.jpeg)
K24 - ههولێر
مستهفا كازمی، سهرۆك وهزیرانی عێراق داوا له خۆپیشاندهران دهكات له ناوچهی سهوز بكشێنهوه و ههموولایهك دانبهخۆدابگرن.
مستهفا كازمی، سهرۆك وهزیرانی عێراق داوا له خۆپیشاندهران دهكات به زووترین كات له ناوچهی سهوز بكشێنهوه و پابهندی رێنمایی هێزه ئهمنییهكان بن.
كازمی به توندی ئیدانهی دهستدرێژی خۆپیشاندهران له ناوچهی سهوز و پهلاماردانی باڵهخانهی كۆشكی حكومی دهكات و به دهرچوون له یاسا وهسفی دهكات. ههروهها ئاماژهی بهوهشكردووه، بهردهوامی ناكۆكی سیاسی نێوان لایهنهكان گهیشتۆته ئاستێك كه زیان به دامودهگاكانی دهوڵهت بگهیهنێت كه ئهمهش خزمهت به گهلانی عێراق و یهكپارچهیی خاكهكهی ناكات، بۆیه پێویسته ههموولایهك دانبهخۆیاندا بگرن و بگهڕێنهوه بۆ گفتوگۆ.
سهرۆك وهزیرانی عێراق، داوای هاوكاری له موقتهدا سهدریش دهكات كه داوا له لایهنگرانی بكات له ناوچهی سهوز و نزیك دامودهزگا حكومییهكان بكشێنهوه و رێز له رێنمایی هێزه ئهمنییهكان بگرن، ههروهك چۆن پێشتریش سووربووه لهسهر پاراستنی دامودهزگاكانی دهوڵهت.
دوای ئهوهی ژمارهیهك له خۆپیشاندهران چوونه ناو كۆشكی حكومی بارهگای ئهنجومهنی وهزیرانی عێراق له ناوچهی سهوز، مستهفا كازمی بڕیاریدا دانیشتنهكانی ئهنجومهنی وهزیران تا كاتێكی نادیار ههڵپهسێردرێت و ئامادهیی سهرجهم هێزه ئهمنییهكانیشی بۆ بهرزترین ئاست بهرزكردهوه.
ئهمه له كاتێكدایه، ئەمڕۆ دووشهممه 29ـی ئابی 2022، رێبەری رەوتی سەدر لە تویتێکدا دەستبەرداربوونی خۆی لەکاری سیاسی راگهیاند و، ئاماژەی بەوەدا، سەرەڕای دەستبەرداربوونی لە کاری سیاسی، بەڵام نەجەف هەردەم وەك مەرجەعی گەورە دەمێنێتەوە.
هەر لە میانی ئەم بڕیارەدا سەدر داوای کرد، زۆربەی دامودەزگایەکانی سەر بە رەوتەکەی دابخرێن. وەک ئاماژەیەکیش بۆ دەستبەرداربوونی موقتەدا سەدر لە کاری سیاسی لە هەژمارە تایبەتەکانی وەزیرەکەی سەدر وێنەیەک بەناونیشانی "داخراوە" بڵاوکراوەتەوە
ئەم بڕیارەی سەدر دوای ئەوە دێت ئەمڕۆ کازم حائیری، کە بە مەرجەعی رەوتی سەدر لە عێراق دادەنرێت رایگەیاند، بەهۆی نەخۆشییەوە توانای کاری ئایینی نهماوه و داوای لەلایەنگرانی كردووه، پابەندی رێنماییەکانی عەلی خامنەیی رێبەری ئێران بن.
لە بارەی ئەم بڕیارەی کازم حائیری، موقتەدا سەدر گوتی "بڕیارەکەی کازم حائیری ئارەزوومەندانە نییە".
حائیری داوای لە باوەڕداران کردووه، گوێڕایەڵی رێبەری شۆڕشی ئیسلامی، عەلی خامنەیی بن، ئەو شایستەترین کەسە بۆ سەرکردایەتیکردنی میللەت و بهرههڵستیكردنی ستهمكاران، هەروەها پێكهوه یەکڕیزی بپارێزن و رێگهنهدهن نهیارانی وڵات ئاگری ناکۆکی و ململانێ بنێنهوه.
لهكۆتاییدا حائیری داوایكردووه بەعسی، تاوانباران و گەندەڵەکان لە پۆست و بەرپرسیاریەتییەکانی وڵات دووربخرێنەوە.
گەورە مەرجەعی شیعە، کازم حائیری یەکێکە لە مەرجەعەکانی شیعە و ئێستا نیشتەجێی حەوزی قومە لە ئێران و فەتواکانی لە نێو بەشێکی دیاری شوێنکەوتوانی مەزهەبی شیعە پەیڕەودەکرێن.