فەرەنسا باری نائاسایی بۆ 6 مانگی دیکە درێژدەكاتەوە
489 ئەندام پەرلەمان دەنگی بە بەڵێدا بۆ درێژکردنەوەی باری نائاسایی و تەنیا 26 پەرلەمان دژی درێژکردنەوەی باری نائاسایی بوون
K24 - ھەولێر
پەرلەمانی فەرەنسا لە دانیشتنێکی تایبەتدا، بەزۆرینەی دەنگ باری نائاساییان لەو وڵاتە بۆ 6 مانگ درێژکردەوە، ئەمەش دوای ئەوەی ھێرشەکەی رۆژی پێنچشەممەی رابردوو، شاری نیس کە بووە ھۆی کوشتنی 84 کەس و زیاتر لە 300 کەسی دیکەش برینداربوون.
489 ئەندام پەرلەمان دەنگی بە بەڵێدا بۆ درێژکردنەوەی باری نائاسایی و تەنیا 26 پەرلەمان دژی درێژکردنەوەی باری نائاسایی بوون.
باری نائاسایی لە فەرەنسا لە مانگی تشرینی دووەمی رابردووەوە راگەیاندراوە ئەوەش لەدوای زنجیرە ھێرشە تیرۆرستییەکەی شاری پاریس کە بووە ھۆی کوشتنی 123 کەس.