دوو رووداوی هاتووچۆ لە سنووری پارێزگای سلێمانی 16 قوربانییان لێکەوتەوە
K24 - سلێمانی:
لە سنووری پارێزگای سلێمانی دوو رووداوی هاتووچۆ روویدا و بەهۆیانەوە دوو کەس گیانیان لەدەستدا و 14ـی دیکەش برینداربوون.
بە گوێرەی زانیارییەکانی پەیامنێری کوردستان24، یەکێک لە رووداوەکان لە گەڕەکی کوردساتی شاری سلێمانی بووە و رووداوەکە بەهۆی ئۆتۆمبێلەکەوە روویداوە کە شۆفێرەکەی کۆنترۆڵی لەدەستداوە و خۆی بە چوار ژندا کێشاوە.
ئاماژەی بەوەشدا، لە ئەنجامی رووداوەکە دوو ژن گیانیان لەدەستداوە و دووانەکەی دیکەش بریندارن و رەوانەی نەخۆشخانە کراون.
رووداوی دووەمیش لە رێی مێرگەپان لەنزیک گوندی قوڵقوڵە لەنێوان چوار ئۆتۆمبێلدا روویداوە و بەهۆیەوە 12 کەس بریندار بوون.