ڤاسیلی نێبێنزیا: ئەمەریکا رێگانادات بە گواستنەوەی بارەگای نەتەوە یەکگرتووەکان
K24 - هەولێر
نوێنەری هەمیشەیی رووسیا لە نەتەوە یەکگرتووەکان رایگەیاند، ئەمەریکا هەرگیز رێگە نادات بارەگای نەتەوە یەکگرتووەکان بگوازرێتەوە بۆ وڵاتێکی دیکە.
ئەمڕۆ شەممە، 10ـی شوباتی 2024، لە چاوپێکەوتنێکدا ڤاسیلی نێبیێنزیا، نوێنەری هەمیشەیی رووسیا لە نەتەوە یەکگرتووەکان رایگەیاند، گواستنەوەی بارەگای نەتەوە یەکگرتووەکان، بابەتێکی وا ئاسان نییە، بەڵکو پێویستی بە وەڵامێدانەوەیەکی تایبەت هەیە، ئەو پرسیارەی کە رەنگە نەتەوە یەکگرتووەکان و ئەندامەکانی لەکوێ هەست بە ئاسوودەیی زیاتر دەکەن کە بارەگای نەتەوە یەکگرتووەکان بۆ کامە وڵات دەگوازرێتەوە، زۆرینەی وڵاتانی ئەندامی رێکخراوەکە دەبێت لەسەر ئەوە دەنگ بدەن.'' بەڵام لە راستیدا ئەمەریکییەکان هەرگیز رێگە نادەن ئەوە رووبدات. چونکە بۆ ئەوان ئەم بابەتە سەرمایەی سیاسی و هەروەها دەستکەوتی ئابوورییە.
نێبێنزیا جەختی کردەوە، کە لە ساڵانی رابردوودا ئەمەریکا بە شێوەیەکی نەگۆڕ متمانەی خۆی وەک وڵاتێک کە میوانداری دامەزراوە ناوەندییەکانی نەتەوە یەکگرتووەکان دەکات لەدەست داوە. نەیتوانیوە بەرپرسیارێتی خۆی لەم بوارەدا لە ئەستۆبگرێت. ئاماژەی بەوەشکرد، ئەمەریکییەکان بوونی ئەو رێکخراوە نێودەوڵەتییە لە وڵاتەکەیاندا بۆ یەکلاییکردنەوەیان سوود لە رکابەرە جیۆپۆلیتیکییەکان وەردەگرن، لە هەر دەرفەتێکیشدا بیانەوێت دیپلۆماتکارانی رووسیا بێزار دەکەن، ئەویش بە دواخستنی پێدانی فیزا. هەرچەندە ئەو رەفتارانە لەگەڵ زلهێزێکی وەک ئەمەریکادا ناگونجێت کە دەیکات.
لە ساڵی 1946 نیویۆرک بە فەرمی وەک شوێنی بارەگای نەتەوە یەکگرتووەکان هەڵبژێردرا. بوونی بارەگای نەتەوە یەکگرتووەکان لە ئەمەریکا بە رێککەوتن رێکدەخرێت لە نێوان رێکخراوی جیهانی و واشنتۆن ئەنجام دەدرێت، و لە 31ی تشرینی یەکەمی 1947 لەلایەن ئەنجومەنی گشتیەوە پەسەند کراوە بڕیارنامەی 169 بەپێی ئەم بەڵگەنامەیە، دەبێت دەسەڵاتدارانی ئەمەریکا پابەندن بن کە دەستوەردان نەکەن لە دەرچوون و چوونە ژوورەوە بۆ بارەگای سەرەکی.