ژمارهی كوژراوانی غهززه گەیشتە 33207 كهس
K24 - هەولێر:
ژمارهی قوربانیانی هێرشهكانی سوپای ئیسرائیل بۆ سهر كهرتی غهززه بهرز بووه و سوپای ئیسرائیلیش له هێرشهكانی بۆ سهر كهرتهكه و چهكدارانی بزووتنهوهی حهماسی فهڵهستینی بهردهوامه.
ئهمڕۆ (دووشهممه 8ـی نیسانی 2024) وهزارهتی تهندروستی غهززه ڕایگهیاند، تادێ بههۆی هێرشهكانی سوپای ئیسرائیل بۆ سهر كهرتی غهززه ژمارهی كوژراوان و برینداران زیاتر دەبن و له ههمان كاتدا برسییهتییهكی زۆریش ڕووبهڕووی دانیشتووان بووهتهوه.
وهزارهتی تهندروستی غهززه ئاماژهی بهوه كرد، بههۆی هێرشه بهردهوامهكانی ئیسرائیلهوه ژمارهی كوژراوان بۆ 33 ههزار و 207 كهس بهرز بووهتهوه، هاوكات ژمارهی برینداران گهیشتووهته زیاتر 75815 كهس.
ڕوونیشی كردووهتهوه 70%ـی قوربانییهكان منداڵ و ئافرهتن. باسی لهوهش كردووهش، له ماوهی 24 كاتژمێری ڕابردوودا 32 هاووڵاتی كوژراون و 47ـی دیكهیش بریندار بوونه.
ڕۆژی 7ـی ئۆکتۆبەری 2023، چەکدارەکانی بزووتنەوەی حەماس هێرشێکی بەرفراوانیان کردە سەر ئیسرائیل، لە هێرشەکەدا زیاتر لە هەزار و 400 ئیسرائیلی کوژران و سەدانی دیکەش بریندار بوون، هاوکات 240 هاووڵاتیی ئیسرائیل وەکو بارمتە لەلایەن حەماسەوە دهستبهسهر كران.