سەرۆکی ئەنجوومەنی نوێنەرانی عێراق گەیشتە تاران
K24 - ھەولێر
ئەمڕۆ شەممە سەلیم جبووری، سەرۆکی ئەنجوومەنی نوێنەرانی عێراق گەیشتە تارانی پایتەختی ئێران و لەوێ لەگەڵ بەرپرسانی باڵای ئێرانی کۆدەبێتەوە.
بەگوێرەی میدیاکانی ئێران، چاوەڕێ دەکرێت لەو سەردانەیدا، جبووری لەگەڵ ھەر یەک لە عەلی لاریجانی سەرۆکی پەرلەمانی ئێرانی و محەمەد جەواد زەریفی وەزیری دەرەوەی ئێران کۆببێتەوە.
ھەروەھا لەدوای سەردانەکەی بۆ ئێران، بڕیارە سەرۆکی ئەنجوومەنی نوێنەرانی عێراق سەردانی تورکیاش بکات.
