ناوی ئەو کۆمپانیا ئەمەریکیانە ئاشکرا بوو کە گرێبەستیان لەگەڵ عێراق کردووە
K24 - هەولێر
سوودانی و شاندەکەی عێراق لە ئەمەریکا چەندین گرێبەستی جۆراوجۆریان ئەنجامداوە، زۆربەی گرێبەست و لێکتێگەیشتنەکان لەبواری ئابووری و دارایی و وزەدان.
بەپێی راگەیەنراوی حکوومەتی عێراق، گرێبەست و لێکتێگەیشتنەکان لەگەڵ کۆمپانیا و دامەزراوە جیاوازە ئەمەریکییەکان ئەنجامدراون.
بەشێک لە گرێبەستەکان لەگەڵ کەرتی تایبەت و بەشێکیشیان لەگەڵ دامەزراوە حکوومییەکانی ئەمەریکا بوون.
هەروەها زۆربەی گرێبستەکان لەبواری وزەدان، جیا لەوەش کەرتی بانکی و کەرتی تەندروستی و ژێرخانی ئابووری بابەتی ناو بەشێکی دیکە لە گرێبەستەکانن.
ئەو کۆمپانیایانەی گرێبەستیان لەگەڵ کراوە ئەمانەن:
یەکەم/ کۆمپانیای جەنەراڵ ئەلیکتریک (بۆ پێشخستنی کەرتی کارەبا و وزە)
دووەم/ کۆمپانیای هانوێڵ (پێشخستنی هێڵی ستراتیکی گواستنەوە لە نێوان کێڵگە نەوتییەکاندا)
سێیەم/ کۆمپانیای جەنەراڵ ئەلیکتریک (پێشخستنی کێڵگەکانی نەوت و گاز)
چوارەم/ کۆمپانیای ماک (دروستکردنی بزوێنەری تایبەتمەند)
پێنجەم/ کۆمپانیای ترانس ئەتڵەنتیک (ئیدارەدانی کێڵگە نەوتییەکان)
شەشەم/ کۆمپانیای هانوێڵ (خزمەتگوزارییەکانی کۆنترۆڵکردن)
حەوتەم/ کۆمپانیای هانوێڵ (راگرتنی سوتانی گازی کێڵگە نەوتییەکان)
هەشتەم/ کۆمپانیای بیکەر هیوز (راگرتنی سوتانی گازی کێڵگە نەوتییەکان)
نۆیەم/ کۆمپانیای ئیمرسۆن (تەکنەلۆژیا بۆ ئیدارەدانی کێڵگە نەوتییەکان)
دەیەم/ کۆمپانیای GE (پیشەسازیی نەوتی)
یازدە/ کۆمپانیای ئارک (پیشەسازیی لە بواری گازی سروشتی)
دوازدە/ کۆمپانیای ئیمرسۆن (پێشخستنی کەرتی وزە و ژێرخان)
سیازدە/ کۆمپانیای GE (ئامێرەکانی گۆڕینی گازی دەردراو بۆ سەرچاوەی وزە)
چواردە/ کۆمپانیای هانوێڵ (نۆژەنکردنەوەت کێڵگە نەوتییەکان)
پازدە/ کۆمپانیای باکستەر (ئامێر و پێداویستییەکانی شتنی گورچیلە)
شازدە/ کۆمپانیای KBR (پێشختنی کێڵگە نەوتییەکان)
حەڤدە/ کۆمپانیای KBR (چارەسەری گازی سروشتی)
هەژدە/ دامەزراوەی دارایی نێودەوڵەتی (پێشخستنی کەرتی بانکی)
نۆزدە/ جەی پی مۆرگان (پێشخستنی کەرتی دارایی)