سەرۆک بارزانی ل 31 ساڵیا دامەزراندنا بنگەهێ لالش: پشتەڤانیێ ل بزاڤ و ماندیبوونا بنگەهی دکەم
K24 - هەولێر
سەرۆک بارزانی 31 ساڵیا دامەزراندنا بنگەهێ لالش پیرۆز دکەت و تەکەز دکەت، ئەوێ بەردەوام پشتەڤانیێ ل بزاڤ و ماندیبوونا بنگەهێ بکە.
ئەڤرۆ ڕۆژا شەمبیێ، 11-05-2024، سەرۆک بارزانی ب هەلکەفتا 31 ساڵیا دامەزراندنا بنگەهێ لالش د پەیامەکێدا پیرۆزبایی ل "سەرۆک و ئەندامێن دەستەیا بلندا بنگەهێ لالش و هەموو خوشک و برایێن ئێزدی" کرن.
سەرۆک بارزانی د پەیاما خۆدا ئاماژە ب وێ یەکێ کریە، "بنگەهێ لالش د سالێن بووریدا دگهل ههمى كۆسپ و ئاستهنگیان، ب ههولا خەمخۆر و كادر و ڕەوشەنبیرێت جڤاكا ئێزدی، خزمەتەكا بەرچاڤ پێشكەشی كولتوورێ گەلێ كوردستانێ و پاراستنا نەریتێت جڤاكا ئێزدیان كریە".
ل دوماهیا پەیاما سەرۆک بارزانیدا هاتییە، "پشتەڤانیێ ل بزاڤ و ماندیبوونا بنگەهی دکەم و هیڤییا بەردەوامیێ و پێشکەفتنێ بۆ هەوە و هیڤییا ئارامی و خۆشیێ بۆ هەموو خوشک و برایێن ئێزدی دخوازم و هەر سەرکەفتی بن".