سەرۆکی نوێی ڤێتنام هەڵبژێردرا

لە دوای دەستلەکار کێشانەوەی سەرۆکی ڤێتنام، ئەنجوومەنی نیشتمانی، "تو لام"ـی وەزیری پێشووی ئاسایشی گشتیی ڤێتنام، وەک سەرۆکی نوێی وڵاتەکەی هەڵبژارد.

بەر لەماوەیەک لام، سەرپەرشتی ئۆپەراسیۆنەکانی پۆلیس و هەواڵگری کردووە، ڕێکخراوەکانی مافی مرۆڤ دەڵێن سەرکوتکردنی سیستەماتیکی ئازادییە سەرەتاییەکان و پێشێلکردنی یاسا نێودەوڵەتییەکانی کردووە.

پەسەندکردنی ئەنجوومەنی نیشتمانی، دوای ئەوە هات کە سەرۆکی پێش خۆی دەستی لەکارکێشایەوە لەکاتێکدا هەڵمەتێکی بەردەوامی بەرەنگاربوونەوەی گەندەڵی بوو، دامەزراوەی سیاسی وڵاتەکەی هەژاند و کاریگەری لەسەر بازرگانانی دیار هەبوو و لە ئەنجامدا گۆڕانی گەورە و ئاست بەرزی لە حکوومەتدا بەدوای خۆیدا هێنا.

نگوین خاک جیانگ، هاوڕێی پەیمانگای ڤێتنام بۆ توێژینەوەی سیاسەت و ئابووری لە زانکۆی نیشتمانی ڤێتنام ڕایگەیاند، پۆستی سەرۆکی ڤێتنام تاڕادەیەکی زۆر ڕێوڕەسمییە، بەڵام لەگەڵ ئەم پۆستەدا، لام تەمەن 66 ساڵ، لە پێگەیەکی زۆر بەهێزدا دەبێت بۆ ببێتە سکرتێری گشتیی داهاتووی حزبی شیووعی.

نگوین فو ترۆنگ لە ساڵی 2021 بۆ خولی سێیەمی حزبی شیووعی بە سکرتێری گشتیی حزبی شیووعی هەڵبژێردرا، دوای بوون بە 80 ساڵ، داوای خولێکی دیکە ناکات کە دەکاتە دوای ساڵی 2026.

هەروەها لام، وەک باڵاترین بەرپرسی ئەمنیی ڤێتنام، سەرکردایەتیی هەڵمەتی دژە گەندەڵی ترونگ دەکات، و زیاتر لە چوار دەیە لە وەزارەتی ئاسایشیی گشتیدا بووە، پێش ئەوەی لە ساڵی 2016 ببێتە وەزیر.