ئەو ڕووبارە بۆ مەلەکردن سەلامەت نییە

بەڕێوەبەرایەتی بەرگری شارستانی گەرمیان داوا لەهاووڵاتیان دەکات، بەمەبەستی مەلەکردن نەچنە سەر ڕووباری سیروان چونکە بەهیچ شێوەیەک تەندرووست وسەلامەت نییە و ڕێگەپێدراو نییە.

بەڕێوەبەرایەتی بەرگری شارستانی گەرمیان لە ڕاگەیندراوێکدا ئاماژەی کرد، هاووڵاتیانی خۆشەویست بەمەبەستی مەلەکردن نابێت بچنە سەر ڕووباری سیروان، چونکە بەهیچ شێوەیەک تەندرووست وسەلامەت نییە و ڕێگەپێدراو نییە.

لە ڕاگەیەندراوەکەدا ئەوەشهاتووە، بۆ ئەو مەبەستە سەردانی مەلەوانگەکانی ناوشاربکەن چونکە مەرج وڕێنماییەکانی سەلامەتی تێداجێبەجێ کراوە بەڵام ئەگەر هاتوو ڕۆیشتن بۆسەرڕووباری سیروان پیویستەڕچاوی ئەم ڕێنماییانەی لای خوارەوەبکەن،

1-پێویستە لەکاتی مەلەکردن دا زۆر وریابن ودڵنیابن لەقوڵی ئــاوەکە.

2-بەهیچ شێوەیەک مناڵ بەتەنیا مەلەنەکات یان ئەوکەسانەی کەمەلەوانی نازانن.

3-پێویستەهەندێک کەلوپەلی فریاگوزاریتان پێبێت وەکو "چوپ، هێلەکی ڕزگارکردن، یان حەبلی ڕزگارکردن".

4-یاری نەکردن و یەکتری نقوم نەکردن لەناوئاودا چونکە دەبێتەهۆی ماندوبوون وتەنگەنەفەسی.

5-بەهیچ شێوەیەک لەشوێنی کارگەکانی "غەسالە" مەله نەکرێت، چونکە ڕێڕەوی ئاوەکەی تێکداوە.

6-بامەلەوانیش بیت نەچیتە هەمووشوێنێک کەشارەزانیت.

7-مەلەنەکردن لەکاتەکانی شەودا.

8-مەلەنەکردن لەوشوێنانەی کەهێمای ئاگادارکردنەوەی لێ دانراوە "تابلۆی قەدەغەکردنی مەلەکردن" چونکە مەترسی دارە.