نێچیرڤان بارزانی و دهيڤد بێرگهر پهيوهندييهكانى ئهمهريكا لهگهڵ عێراق و ههرێمى كوردستان تاووتوێ دهكهن
سهرۆكی ههرێمی كوردستان و ههڵسووڕێنهرى كاروبارى باڵيۆزخانهى ئهمهريكا له عێراق، پهيوهندييهكانى ئهمهريكا لهگهڵ عێراق و ههرێمى كوردستان تاووتوێ دهكهن.
به گوێرهی راگهیهندراوی سهرۆكایهتی ههرێمی كوردستان، ئێوارهى ئهمڕۆ (يهكشهممه 2ـی حوزهیرانی 2024)، نێچيرڤان بارزانى سهرۆكى ههرێمى كوردستان، له دهۆك لهگهڵ دهيڤد بێرگهر ههڵسووڕێنهرى كاروبارى باڵيۆزخانهى ئهمهريكا له عێراق، كۆبووهوه.
له كۆبوونهوهكهدا پهيوهندييهكانى ئهمهريكا لهگهڵ عێراق و ههرێمى كوردستان، دۆخى گشتى عێراق، ههڵبژاردن و دۆخى ناوخۆى ههرێمى كوردستان و پهيوهندييهكانى ههولێر ـ بهغدا، تاوتوێ کران.
ههردوولا جهختيان له گرنگيى ئهنجامدانی ههڵبژاردنی پهرلهمانی کوردستان و کۆدهنگی و بهشداریی ههموو لایهنه سیاسی و پێکهاتهکان له ههڵبژاردندا کردهوه، ههروهها هاوڕا بوون لهسهر پێویستیی پاراستنی ئارامی و سهقامگیری له عێراق.
جێبهجێكردنى دهستوور و سيستمى فيدراڵى له عێراق، دۆخى ناوچهكه بهگشتى و چهند پرسێكى جێى بايهخى هاوبهش، تهوهرێكى ديكهى كۆبوونهوهكه بوو.