پەیامی سەرەخۆشیی سەرۆک بارزانی بۆ شێخ نەهرۆ کەسنەزانی

K24 - هەولێر:

بەبۆنەی کۆچی دوایی کوڕە گەورەی شێخ نەهرۆ کەسنەزانی، سەرۆک بارزانی سەرەخۆشی لە شێخ نەهرۆ دەکات.

سێشەممە (18ـی حوزەیرانی 2024) سەرۆک بارزانی ڕایگەیاند، " شێخ نەهرۆ کەسنەزانی، ڕێبەری تەریقەتی قادری ـ کەسنەزانی بەداخێکی زۆرەوە هەواڵی کۆچی دوایی (محەممەد)ـی کوڕتانم پێگەیشت، سەرەخۆشی لە بەڕێزتان و خانەوادە و کەسوکاری بەڕێزتان دەکەم".

سەرۆک بارزانی ئاماژەی بەوە دا، خۆم بە هاوبەشی خەمتان دەزانم، لە خودای گەورە داواکارم ڕۆحی خوالێخۆشبووی کوڕەکەتان بە بەهەشتی بەرین شاد بکات و سەبر و دڵنەوایی بە هەموو لایەک ببەخشێت.

دەقی پەیامەکەی سەرۆک بارزانی:

پەیامی سەرەخۆشیی سەرۆک بارزانی بۆ شێخ نەهرۆ کەسنەزانی

بەناوی خودای مەزن و دلۆڤان

بەڕێز شێخ نەهرۆ کەسنەزانی،

ڕێبەری تەریقەتی قادری ـ کەسنەزانی

بەداخێکی زۆرەوە هەواڵی کۆچی دوایی (محەمەد)ـی کوڕتانم پێگەیشت،

بەم بۆنە خەمناکەوە سەرەخۆشی لە بەڕێزتان و خانەوادە و کەسوکاری بەڕێزتان دەکەم و خۆم بە هاوبەشی خەمتان دەزانم.

لە خودای گەورە داواکارم ڕۆحی خوالێخۆشبووی کوڕەکەتان بە بەهەشتی بەرین شاد بکات و سەبر و دڵنەوایی بە هەموو لایەک ببەخشێت.

انا للە و انا الیە راجعون

مسعود بارزانی

18ی حوزەیرانی 2024