سەرۆک بارزانی پێشوازی لە سەرۆکی دەستەی حەشدی شەعبی دەکات
سەرۆک مەسعود بارزانی پێشوازیی لە سەرۆکی دەستەی حەشدی شەعبی دەکات و بیر و ڕا لەبارەی دۆخی سیاسیی عێراق و ناوچەکە تاوتوێ دەکەن.
بەپێی ڕاگەیاندراوی بارەگای بارزانی، ڕۆژی شەممە 29ی حوزەیرانی 2024، لە سەلاحەددین سەرۆک مەسعود بارزانی پێشوازی لە بەڕێز فاڵح فەیاز سەرۆکی دەستەی حەشدی شەعبی کرد.
لە دیدارەکەدا بیروڕا لەبارەی بارودۆخی سیاسیی عێراق و ناوچەکە ئاڵوگۆڕ کرا.
هەر لەو دیدارەدا جەخت لە هەماهەنگی و پەیوەندیی نێوان لایەنە سیاسییەکانی عێراق و هەوڵدان بۆ پاراستنی سەقامگیریی عێراق کرایەوە.
