11 سەربازی توركیا كوژران
K24 - ھەولێر
لە چەند ناوچەیەكی باكووری كوردستان شەڕ و پێكدادان لە نێوان سووپای توركیا و گەریلاكانی پەكەكە بەردەوامە و بە گوێرەی زانیارییەكان لە ماوەی 24 كاتژمێری رابردوودا 11 سەربازی توركیا كوژراون.
هێزەکانی سووپای تورکیا لە شاری وان لە ناوچەی بازیداخا و چیای تەندوورەکێ ئۆپراسیۆنێکیان لە دژی هێزەکانی پارتی کرێکارانی کوردستان (پەکەکە) ئەنجامدا، لەو ئۆپەراسیۆنەدا 8 سەرباز کوژران.
لەلایەکی دیكە لە شاری مێردین لە ناوچەی کەربۆران گەریلاكانی پەکەکە هێرشیان كردەسەر بنکەیەکی سەربازی، لە ئەنجامی شەڕ و پێكدادانەكان جەردەوانێک و 2 سەربازی دیكەی توركیا کوژران.